រាជធានីភ្នំពេញ៖ គ្រោះថ្នាក់ចរាចរណ៍ នៅថ្ងៃបុណ្យចូលឆ្នាំប្រពៃណីជាតិខែ្មរគិតចាប់ថ្ងៃទី១៣ ដល់ថ្ងៃទី១៧ ខែមេសា ឆ្នាំ២០១៣ នៅទូទាំងប្រទេសបានកើតឡើងចំនួន ១៤៨លើកធៀបនឹងឆ្នាំ២០១២ មាន១៦៥លើកថយចុះ១៧លើក ស្មើនឹង១០% បណ្តាលឲ្យមនុស្សស្លាប់ ៦៦នាក់ លើ៤៨នាក់ កើន១៨នាក់ស្មើនឹង ៣៨% រងរបួសសរុប ៣០៥នាក់ លើ៣៤៤នាក់ ថយចុះ៣៩នាក់ ស្មើនឹង១១% ក្នុងនោះ របួសធ្ងន់ ១៨៣នាក់លើ២១៤នាក់ថយចុះ ៣១នាក់ ស្មើនឹង១៤% និងរបួសស្រាល ១២២នាក់ លើ ១៣០នាក់ ថយចុះ ៧នាក់ ស្មើនឹង ៦% ក្នុងចំណោមអ្នករងគ្រោះសរុបទាំងអស់មានថ្មើរជើង ២០នាក់ និងអ្នកបើកបរម៉ូតូមិនពាក់មួកសុវត្ថិភាព ១៦២នាក់។
ក្នុងគ្រោះថ្នាក់ចរាចរណ៍នេះ បានបង្កឲ្យខូចខាតម៉ូតូ ១៨៦គ្រឿង លើ១៨៣គ្រឿង កើន ០៣គ្រឿង ស្មើនឹង ២% រថយន្តធុនតូច ៤៧គ្រឿង លើ៥៨គ្រឿង ថយ១១គ្រឿង ស្មើនឹង ១៩% រថយន្តធុនធ្ងន់ ២គ្រឿង លើ៥គ្រឿង ថយ៣គ្រឿង ស្មើនឹង ៦០% និងយានផ្សេងៗ ៧គ្រឿង លើ១០គ្រឿង ថយ៣គ្រឿង ស្មើនឹង ៣០% ។ ប្រភពខាងលើឲ្យដឹងបន្តទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីល្បឿន ៦៩លើក ស្មើនឹង៤៧% មិនគោរពសិទ្ធិ ៩លើកស្មើនឹង៦% ប្រជែងគ្រោះថ្នាក់ ២១លើកស្មើនឹង១៤% ស្រវឹង ២៩លើកស្មើនឹង២០% មិនប្រកាន់ស្ដាំ ៩លើកស្មើនឹង៦% បត់ឆ្វង ស្ដាំមិនប្រយ័ត្ន ១លើកស្មើនឹង១% កត្តាយានយន្ត ២លើកស្មើនឹង១% និងកត្តាផ្សេងៗ ១លើក ស្មើនឹង១% ៕
By:GCNP
Showing posts with label ព៌ត័មានក្នុងប្រទេស. Show all posts
Showing posts with label ព៌ត័មានក្នុងប្រទេស. Show all posts
Friday, 19 April 2013
ជិះកង់ៗប្រកាច់ធ្លាក់ទឹកស្លាប់នៅក្រុង ពោធិ៍សាត់
ជិះកង់ៗប្រកាច់ធ្លាក់ទឹកស្លាប់នៅក្រុង ពោធិ៍សាត់
ខេត្តពោធិសត់៖សាកសពបុរសម្នាក់ត្រូវបានគេប្រទះឃើញអណ្តែតទឹកនៅចំណុចអាងបង្ហៀរទឺកមួយ កន្លែងស្ថិតក្នុងភូមិរលាប សង្កាត់រលាប ក្រុង ខេត្តពោធិសាត់ កាលពីវេលាម៉ោង៧ព្រឹកថ្ងៃទី១៩ ខែមេសាឆ្នាំ២០១៣។បងស្រីហ៊ុល លាង អាយុ៤១ឆ្នាំ មានទីលំនៅភូមិព្រែកត្នោត សង្កាត់រលាប ក្រុងខេត្តពោធិសាត់បានប្រាប់ក្រុមអ្នកយកព័ត៌មានឲ្យដឹងថាគាត់ជិះម៉ូតូឌុបគ្នា ៣នាក់មកចំណុចខាងលើប្រទះឃើញសាកសពអណ្តែតទឹកប្លុងៗក៏នាំគ្នាឲ្យជួយពិនិត្យមើលថាតើមនុស្សលង់ឬយ៉ាងណា។ប្រភពបន្តថាលុះពិនិត្យឡើងពិនិត្យចុះទើបដឹងថាមានមនុស្សលង់ស្លាប់ មួយរំពេច នោះ ក៏មានការភ្ញាក់ផ្អើលយ៉ាងខ្លាំងដោយមានមនុស្សធ្វើដំណើរតាមផ្លូវជាតិលេខ៥៦(ពោធិសាត់ទៅកាន់ស្រុកភ្នំក្រវាញ)ខ្លះចុះពីលើម៉ូតូខ្លះចុះពីលើរថយន្តនាំគ្នាឈរមើលព្រោងព្រាតទាំងព្រឺកព្រលឹម។បើតាមប្រភពដែលសមត្ថកិច្ចនគរបាលទទួលបានពីបងស្រីណែម នឿន ដែលជាម្តាយរបស់ជនរងគ្រោះឈ្មោះប៉ក់ សុភ័ត្រ ភេទប្រុសអាយុ១៥ឆ្នាំ មានទីលំនៅភូមិទួល គ្រួសសង្កាត់ចំរើនផលក្រុងខេត្តពោធិសាត់បានបញ្ជាក់ឲ្យដឹងថាមុនថ្ងៃកើតហេតុជនរងគ្រោះរូបនេះឧស្សាហ៍ប្រកាច់ព្រោះគាត់មានជម្ងឺស្កន់ជ្រូក។ បងស្រីណែម នឿនបន្តទៀតថាជនរងគ្រោះ ឈ្មោះប៉ក់ សុភ័ត្រ បានជិះកង់ពណ៌ក្រហម ១គ្រឿង ចេញពីផ្ទះតាំងពីរសៀលថ្ងៃ១៨ខែមេសា ឆ្នាំ២០១៣មិនដឹងទៅទីណារហូតមកដល់ព្រឹកថ្ងៃទី១៩នេះទើបដឹងថាកូនលង់ទឹកស្លាប់តែម្តង។លោកអនុសេនីយ៍ឯកម៉ែន សុវណ្ណា អធិការរងនគរបាលក្រុងពោធិសាត់បានឲ្យដឹងថាក្រោយ ពេលសមត្ថកិច្ចជំនាញសហការជាមួយអាជ្ញាធរពិនិត្យឃើញថាជនរងគ្រោះឈ្មោះប៉ក់ សុភ័ត្រ ប្រកាច់ខណៈពេលដែលខ្លួនកំពុងជិះកង់រួចធ្លាក់ទឹកទាំងមនុស្សទាំងកង់នៅចំណុចអាងទឹកខាងលើក៏ស្លាប់បាត់បង់ជីវិតទៅ។លោកអធិការរងម៉ែន សុវណ្ណាបន្តថាសាកសពសមត្ថកិច្ចប្រគល់ ជូនក្រុមគ្រួសារយកទៅធ្វើបុណ្យតាមប្រពៃណី៕
By:GCNP
Wednesday, 10 April 2013
នគរបាលខណ្ឌមានជ័យឃាត់ខ្លួនបុរសម្នាក់ប្រើអំពើហឹង្សាដោយចេតនា
នគរបាលខណ្ឌមានជ័យឃាត់ខ្លួនបុរសម្នាក់ប្រើអំពើហឹង្សាដោយចេតនា
រាជធានីភ្នំពេញ ៖ នៅថ្ងៃទី០៦ ខែមេសា ឆ្នាំ២០១៣ វេលាម៉ោង ២១និង៣០ នាទី នៅចំណុចផ្លូវជាតិលេខ ១ ភូមិជ្រោយអំពិល សង្កាត់ក្បាលកោះ ខណ្ឌមានជ័យ មានករណីហឹង្សាដោយចេតនា (យកពូថៅកាប់) កើតឡើង ០១លើក បង្ករឡើងដោយជនល្មើសម្នាក់ ស្លៀកពាក់ស៊ីវិល មធ្យោបាយ ថ្មើរជើង ប្រដាប់ដោយពូថៅ ឈ្មោះ មឿន ធារ៉ា ហៅ កោប ភេទប្រុស អាយុ១៧ ឆ្នំា មុខរបរមិនប្រាកដ ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌមានជ័យ ។
តាមនគរបាលបានឲ្យដឹងថា ជនរងគ្រោះ ឈ្មោះ ធូ គឹមឡេង ភេទប្រុស អាយុ ១៩ឆ្នំា មុខរបរ កម្មករសំណង់ មានទីលំនៅភូមិជ្រោយអំពិល សង្កាត់ក្បាលកោះ ខណ្ឌមានជ័យ ។ តាមនគរបាលបានឲ្យដឹងទៀតថា នៅមុនពេលកើតហេតុ ជនរងគ្រោះកំពុងលក់ប្រេងសំាងនៅផ្ទះរបស់ ឈ្មោះ រ៉េត ភេទស្រី អាយុ៥៣ឆ្នំា (កន្លែងកើតហេតុ) ពេលកំពុងលក់ប្រេងសំាងក៏បានឃើញជនល្មើសដើរចេញពីវត្តចំប៉ា ដើរសំដៅទៅកន្លែងជនរងគ្រោះលក់សំាង ពេលដើរមកដល់ជនល្មើសបានយកពូថៅកាប់លើជនរងគ្រោះ ចំគុំត្រចៀកខាងឆ្វេង និងចំក្បាលពោះ ហើយរត់គេចខ្លួនបាត់ លុះមកដល់ព្រឹកថ្ងៃទី ០៧ ខែមេសា ឆ្នាំ២០១៣ ទើបកំលាំងនគរបាលប៉ុស្តិ៍ក្បាលកោះ ប្រទះឃើញជនល្មើសនៅតាមផ្លូវក្នុងភូមិជ្រោយអំពិល ក៏ឃាត់ខ្លួនយកមកធ្វើការសាកសួរតែម្តង ។
បច្ចុប្បន្នជនល្មើសឃាត់ខ្លួននៅអធិការដ្ឋានដើម្បីកសាងសំណុរឿង ៕
By:GCNP
ព្រៃលិចទឹកកន្លែងជម្រកត្រីពងដ៏ធំនៅ ឃុំសំបួរត្រូវភ្លើងព្រៃឆេះ អស់៩៩៦ហិកតា មិនដឹងមូលហេតុ
ព្រៃលិចទឹកកន្លែងជម្រកត្រីពងដ៏ធំនៅ ឃុំសំបួរត្រូវភ្លើងព្រៃឆេះ អស់៩៩៦ហិកតា មិនដឹងមូលហេតុ
ខេត្តបន្ទាយមានជ័យ៖ បើតាមប្រភពព័ត៌មានពីអាជ្ញាធរឃុំសំបូរ ស្រុកមង្គលបូរី ខេត្តបន្ទាយមានជ័យ បានប្រាប់ ឲ្យដឹងថាព្រៃលិចទឹកនិងជាកន្លែងជម្រកត្រីដ៏ធំមួយជាប់បឹងទន្លេសាបត្រង់ចំណុច ព្រៃលិចទឹកអតីតចំណុចឡូនេសាទ រហាល កំព្រីង បឹងស្ទេរ ទួលត្រែង បឹងដៃអាដាវ រហាល ល្បុញ ពពុះទឹក ក្នុងភូមិសាស្រ្ត ឃុំសំបួរ ត្រូវភ្លើងឆេះព្រៃឆាបឆេះអស់ចំនួន៩៩៦ហិកតា ។អណ្តាតភ្លើងឆាបឆេះព្រៃលិចទឹកខាងលើត្រូវអូសបន្លាយរយៈពេលរហូតដល់ ទៅមួយ ថ្ងៃកន្លះ ចាប់ពីវេលាម៉ោង១១ព្រឹកថ្ងៃទី០៦ រហូតដល់រសៀលថ្ងៃទី០៧ ខែមេសា ឆ្នាំ២០១៣ ទើបអណ្តាតភ្លើងដែលឆេះយ៉ាងសន្ធោសន្ធៅ បានរលត់ទៅវិញដោយខ្លួនឯង គឺមិនមានវិធានការណាមួយទប់ស្កាត់ភ្លើងឆេះទាំងនោះបានឡើយ។
បើតាមប្រភពព័ត៌មានពីអាជ្ញាធរឃុំសំបួរបានបន្តឲ្យដឹងទៀតថាករណីនេះសមត្ថកិច្ចនិងអាជ្ញាធរមិនទាន់ហ៊ានសន្និដ្ឋានបណ្តាលមកពីមូលហេតុអ្វីនោះទេ ប៉ុន្តែបើតាមការសន្និដ្ឋាន របស់ប្រជាពលរដ្ឋគឺបង្កឡើងមកពីផ្កាភ្លើងឆេះព្រៃចេញតំបន់ព្រៃលិចទឹក ខាងស្រុកថ្មគោល និងស្រុក ឯកភ្នំ ខេត្តបាត់ដំបង បើតាមប្រភពព័ត៌មានដដែលបានបញ្ជាក់ឲ្យដឹងទៀតថា ព្រៃលិចទឹក ខាងខេត្តបាត់ដំបង គឺមានផលប៉ះបាល់ធ្ងន់ធ្ងរជាងខាង ព្រៃលិចទឹក ក្នុងឃុំសំបួរ ស្រុកមង្គលបូរីខេត្តបន្ទាយមានជ័យ។អ្វីជាការព្រួយករណីភ្លើងឆេះព្រៃលិចទឹកខាងលើអាច បង្កឲ្យមានផលប៉ះពាល់ធ្ងន់ធ្ងរ ជាពិសេសកន្លែងជម្រកត្រី ពងនៅរដូវវស្សានិងជីវចម្រុះគ្រប់ ប្រភេទ។
គួរបញ្ជាក់ថាករណីភ្លើងឆេះព្រៃលិចទឹកក្នុងបឹងទន្លេសាបកន្លងមកតែងតែកើតឡើងជាបន្តបន្ទាប់ ក្នុងនោះសមត្ថកិច្ចក៏ដូចជាអាជ្ញាធរដែនដីនិងមន្រ្តីជំនាញមិនដែលរកឃើញជនបង្ក និងចាប់ យកជនទាំងនោះយកមកផ្តន្ទាទោសតាមផ្លូវ ច្បាប់បានម្តងណាឡើយករណីភ្លើង ឆេះព្រៃគឺបង្កឡើងដោយមនុស្សរកត្រីសត្វពស់ អណ្តើក រកឃ្មុំ និងជនអគតិខ្លះមាន បំណង ដុតព្រៃដើម្បីវាទទីយកដីធ្វើអ្វីផ្សេងៗជាដើម។ ករណីភ្លើងឆេះព្រៃលិចទឹកជាជម្រកត្រីពង ដ៏មានសារៈសំខាន់ គួរ ណាស់សមត្ថកិច្ច អាជ្ញាធរដែនដី ព្រមទាំងមន្រ្តីជំនាញត្រូវតែយកចិត្ត ទុកដាក់ការពារអភិរក្ស ព្រៃលិចទឹក ដើម្បីនិងធានាឲ្យ បានជីវៈចម្រុះរួមគ្រប់ប្រភេទនៅបឹង ទន្លេសាបករណីភ្លើងឆេះព្រៃក្រសួងកសិកម្មរុក្ខាប្រម៉ាញ់និងនេសាទកន្លងមកបានដាក់បទបញ្ជាដល់មន្រ្តីជំនាញរួមនិងអាជ្ញាធរដែនដី មានសមត្ថកិច្ច ត្រូវមានវិធានការទប់ ស្កាត់ការពារ ឲ្យមានប្រសិទ្ធភាពកុំឲ្យកើតឡើង ភ្លើងឆេះព្រៃជាយថាហេតុណាមួយ៕
By:GCNP
ម្តាយនិងកូនត្រូវម៉ូតូបុកឲ្យរបួសធ្ងន់ នៅស្រុកបាកាន
ម្តាយនិងកូនត្រូវម៉ូតូបុកឲ្យរបួសធ្ងន់ នៅស្រុកបាកាន
ខេត្តពោធិសាត់៖ ម្តាយនិងកូនជិះកង់ឌុបគ្នាត្រូវអ្នកជិះម៉ូតូបុកបណ្តាលឲ្យរបួសធ្ងន់ហេតុការណ៍នេះកើតឡើងកាលពីវេលាម៉ោង១៦និង៣០នាទីនាថ្ងៃទី៧ ខែមេសា ឆ្នាំ២០១៣នៅលើផ្លូវលំក្រាលគ្រួស ក្រហមមួយខ្សែស្ថិតក្នុងភូមិប្រាសាទឃុំរំលេច ស្រុកបាកាន ខេត្តពោធិសាត់។ ប្រភពព័ត៌មាន បានឲ្យដឹងថាជនរងគ្រោះឈ្មោះមឿន ពៅភេទស្រីអាយុ២៣ឆ្នាំមានទីលំនៅភូមិឃុំកើតហេតុជិះកង់ឌុបកូនស្រី អាយុ២ឆ្នាំមកដល់ចំណុចខាងលើត្រូវអ្នកជិះម៉ូតូធុនសេ១២៥ពណ៌ខ្មៅពាក់ ស្លាកលេខ1H 1192បើកពីត្បូងទៅជើង មកដល់ចំណុចកើតហេតុអ្នកបើកបរម៉ូតូឈ្មោះម៉ែន ធាន ភេទប្រុសអាយុ២០ឆ្នាំមានទីលំនៅភូមិកំពង់ក្តីឃុំរំលេចស្រុកបាកានខេត្តពោធិសាត់បានបុកឆ្កែរួចជ្រុលចង្កូតទៅបុកជនរងគ្រោះខាងលើបណ្តាលឲ្យរបួសទាំងពីរអ្នកម្តាយនិងកូន។ប្រភពពីសមត្ថកិច្ចនគរបាលរដ្ឋបាលប៉ុស្តិ៍រំលេចបានឲ្យដឹងថា ក្រោយពេលកើតហេតុសមត្ថកិច្ចនគរបាលយកវត្ថុតាងមករក្សាទុកនៅប៉ុស្តិ៍នគរបាលរដ្ឋបាលដើម្បីកសាងសំណុំរឿងតាមនីតិវិធី៕
By:GCNP
បាញ់ស្លាប់២នាក់និងរបួសម្នាក់សង្ស័យ ជារឿងគំនុំ
បាញ់ស្លាប់២នាក់និងរបួសម្នាក់សង្ស័យ ជារឿងគំនុំ
ភ្នំពេញ៖ ស្ដ្រីវ័យជាង២០ឆ្នាំ និងក្មួយប្រុស របស់ខ្លួនម្នាក់ បានស្លាប់ ហើយស្ដ្រីជាបងប្អូន និងគ្នាម្នាក់ទៀត បានរងរបួស នៅក្នុងករណី បាញ់ប្រហារ ដែលមានការគ្រោងទុកមួយ នៅក្នុងបុរីញូវថោន ដែលមានទីតាំងនៅក្នុង ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ នៅល្ងាចម៉ោង១៧និង៣៥នាទីថ្ងៃទី០៨ ខែមេសា ឆ្នាំ ២០១៣ នេះ ។
ស្ដ្រី និងក្មេងប្រុស ដែលស្លាប់បាត់បង់ជីវិត នៅក្នុងអំពើបាញ់ប្រហារ ខាងលើ ត្រូវបាន គេស្គាល់ឈ្មោះទិត ធារ៉ា ភេទស្រី អាយុ ២៦ឆ្នាំ ជាបុគ្គលិក ធនាគារកាណាឌីយ៉ា មានទីលំនៅ ផ្ទះចំណុចកើតហេតុខាងលើ និងក្មួយ ប្រុសម្នាក់ទៀត ត្រូវបានគេស្គាល់ឈ្មោះ យុទ្ធ ធារ៉ា អាយុជាង ១ខួប។ ដោយឡែកស្ដ្រី ដែលរងរបួស ត្រូវជា បងប្អូនដែរនោះ ឈ្មោះ ទិត សុម៉ាឡែន អាយុ ៣៥ឆ្នាំ អតីតតារាចម្រៀងមិនសូវល្បីឈ្មោះមួយរូបផងដែរ។ ប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ ស្ដ្រីរងគ្រោះ ដែលធ្វើដំណើរពីកន្លែង ធ្វើការមកផ្ទះ ដោយ រថយន្ដក្រុមហ៊ុនជូនមកនោះ ពេលមកដល់មុខផ្ទះ បានចុះពីរថយន្ដ ដើរសំដៅចូលទៅ ក្នុងផ្ទះ ស្រាប់តែមានមនុស្សម្នាក់ ដែលឈរ ចាំនៅក្បែរនោះ បានដើរសំដៅទៅ រួចហើយ ដកកាំភ្លើង បាញ់ ប្រហារអស់ជាច្រើនគ្រាប់ ធ្វើឱ្យជនរងគ្រោះម្តាយមីង និងក្មួយ ត្រូវគ្រាប់កាំភ្លើង ហើយខ្មាន់កាំភ្លើង ក៏បានរត់គេចខ្លួនបាត់ទៅ។
តាមការសន្និដ្ឋាន ពីកន្លែងកើតហេតុ បានឱ្យដឹងថា ករណីបាញ់ប្រហារខាងលើនេះ ជារឿងគំនុំ ឬជាឃាតករ ស៊ីឈ្នួលបាញ់សម្លាប់ ច្រើនជាងករណីប្លន់ ព្រោះក្រោយបាញ់ប្រហារ ហើយ ជនសង្ស័យ មិនបានយកទ្រព្យ សម្បត្ដិ របស់ជនរងគ្រោះនោះទេ។ ប្រភពបង្ហើបពីសមត្ថកិច្ច ក៏បានឲ្យដឹងផងដែរថា ករណីបាញ់សម្លាប់នេះ អាចជាការបាញ់ច្រឡំ ពោលមុខសញ្ញាបាញ់ប្រហាររបស់ជនសង្ស័យ អាចសំដៅលើស្រ្តីជាបង ឈ្មោះ ទិត សុម៉ាឡែន ដែលអតីតជាតារា ចម្រៀង។
By:GCNP
ស្រវឹងបើករថយន្តបុកម៉ូតូរបួសធ្ងន់២នាក់ រួចគេចចូលក្នុងក្រសួងធ្វើមិនដឹង
ស្រវឹងបើករថយន្តបុកម៉ូតូរបួសធ្ងន់២នាក់ រួចគេចចូលក្នុងក្រសួងធ្វើមិនដឹង
ភ្នំពេញ៖ មានករណីគ្រោះថ្នាក់ចរាចរណ៍មួយដែលបង្កឡើងដោយរថយន្តម៉ាកCRVពណ៌ទឹកប្រាក់ ពាក់ស្លាកលេខ បណ្តោះអាសន្ន 4823 ផុតកំណត់ថ្ងៃទី4ខែមេសាឆ្នាំ2013 បើកបរដោយបុរសវ័យជាង៣០ឆ្នាំដែលគេដឹងថាមានសភាពស្រវឹងស្រានោះ បានទៅបុកគ្នាជាមួយម៉ូតូម៉ាកគុបជ្រុងពណ៌ទឹកប៊ិច ពាក់ស្លាកលេខ ខ 2221 កណ ជិះគ្នាពីរនាក់ ដែលអ្នកបើកបរឈ្មោះ ចាន់ហា ភេទប្រុស អាយុ៣០ឆ្នាំ និងម្នាក់ទៀតឈ្មោះ ជា ចាន់ធី ភេទប្រុស អាយុ១៧ឆ្នាំ(រងរបួសធ្ងន់ទាំងពីរ)។
ហេតុការណ៍គ្រោះថ្នាក់នេះកើតឡើងនៅវេលាម៉ោង២២និង២៥នាទីយប់ថ្ងៃទី៨ខែមេសាឆ្នាំ២០១៣ ស្ថិតនៅចំណុចផ្លូវព្រះមុន្នីវង្ស មុខក្រសួងរៀបចំដែនដី នគរូនីយកម្មនិងសំណង់ សង្កាត់បឹងត្របែក ខណ្ឌចំការមន រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានអោយដឹងថាមុនពេលកើតហេតុគេបានឃើញម៉ូតូម៉ាកគុបជ្រុង ខាងលើ បើកក្នុងទិសដៅពីជើងទៅត្បូងតាមបណ្តោយផ្លូវ ព្រះមុន្នីវង្ស ពេលដល់ចំណុចកើតហេតុមុខ ក្រសួងរៀបចំដែនដី នគរូនីយកម្មនិងសំណង់ស្រាប់តែមានរថយន្តម៉ាកCRVខាងលើបើកក្នុងទិសដៅផ្ទុយគ្នាបានបត់ចូលមកក្រសួងយ៉ាងលឿនដោយគ្មានការប្រុងប្រយ័ត្ននោះក៏បណ្តាលអោយបុកគ្នាតែម្តង ហើយភ្លាមៗនោះខាងបុគ្គលិកយាមទ្វារនៅ ក្រសួងរៀបចំដែនដី នគរូនីយកម្មនិងសំណង់ បានបើកទ្វារអោយរថយន្តបង្កហេតុនេះចូល និងបានហាមឃាត់អ្នកយកព័ត៌មានមិនអោយចូលថតឡើយ។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះបន្ទាន់ដឹកទៅមន្ទីពេទ្យ ចំណែកឯរថយន្ត ត្រូវបានសមត្ថកិច្ចនគរបាលកសាងសំណុំរឿងរង់ចាំការដោះស្រាយតាមនីតិវិធី៕
By:GCNP
រថយន្ត៤៧០បុកម៉ូតូCub៩០ ពេញមួយ ទំហឹងរងរបួសធ្ងន់មា្នក់
រថយន្ត៤៧០បុកម៉ូតូCub៩០ ពេញមួយ ទំហឹងរងរបួសធ្ងន់មា្នក់
ភ្នំពេញ៖ រថយន្ត៤៧០បានបុកជាមួយម៉ូតូCub៩០ យ៉ាងពេញទំហឹងបណ្តាយឲ្យរងរបួសធ្ងន់ម្នាក់និងម៉ូតូខូចខាងមុខទាំងស្រុង។ហេតុការណ៍នេះកើតឡើងកាលពីម៉ោង២១និង៣៥នាទីថៃ្ងទី៨ខែមេសាឆ្នាំ២០១៣នៅត្រង់ចំណុចសង្កាត់ដេប៉ូទី១ ខណ្ឌទួលគោក រាជធានីភ្នំពេញ។
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្ត៤៧០ ពណ៌ ស្ករ មិនស្គាល់ស្លាកលេខបើកបរក្នុងទិសដៅពីត្បូងទៅជើង ចំណែកម៉ូតូម៉ាកCub៩០ ពណ៌ ប្រាក់ ពាក់ស្លាកលេខ ភំ្នពេញ 1AS-1520 បើកបរដោយបុរសម្នាក់វ័យជាង២០ឆ្នាំ បើកក្នុងទិសដៅពីជើង ទៅត្បូង បញ្ជ្រាស់ទិសគ្នា លុះដល់ចំណុចកើតហេតុរថយន្ត៤៧០ក៏ជ្រុលបុកម៉ូតូចំពីមុខយ៉ាងពេញទំហឹងបណ្តាលឲ្យអ្នកជិះម៉ូតូរបួសធ្ងន់និងរថយន្តបង្ករត់គេចខ្លួនបាត់។
ក្រោយពេលកើតហេតុជនរងគ្រោះត្រូវបញ្ចូនសង្រ្គោះទៅមន្ទីរពេទ្យនិងម៉ូតូត្រូវយកទៅរក្សាទុកនៅអធិការខណ្ឌទួលគោករឺឯរថយន្តសមត្ថកិច្ចនគរបាលបានកំពុងធ្វើការស្រាវជ្រាវបន្ត៕
By:GCNP
ករណីបង្រ្កាបចោរលួចគាស់ផ្ទះនៅខណ្ឌ សែនសុខ
ករណីបង្រ្កាបចោរលួចគាស់ផ្ទះនៅខណ្ឌ សែនសុខ
ភ្នំពេញ៖នៅវេលាម៉ោង ០៣និង៣០នាទី ឈានចូលថ្ងៃទី ០៩ខែមេសាឆ្នាំ២០១៣ នៅចំណុច ផ្ទះគ្មានលេខ ផ្លូវលំ ក្រុម៧ ភូមិពោងពាយ សង្កាត់ភ្នំពេញថ្មី ខណ្ឌសែនសុខ មាន ករណី លួច(គាស់ផ្ទះ) កើតឡើង ០១លើក ។ជនល្មើស ឈ្មោះ ជុំ សុភ័ក្រ្ត ភេទប្រុស អាយុ ១៩ឆ្នាំ មុខរបរ មិនពិតប្រាកដ ស្នាក់នៅផ្ទះជួល សង្កាត់បឹងសាឡាង ខណ្ឌទួលគោក ។ជនរងគ្រោះ ឈ្មោះ ផាង អ៊ាងស៊ី ភេទស្រី អាយុ ៤០ឆ្នាំ មុខរបរ នៅផ្ទះ មានទីលំនៅ ផ្ទះលេខ ៥៤ ផ្លូវ៥៦៦ សង្កាត់បឹងកក់២ ខណ្ឌទួលគោក។ មុនពេលកើតហេតុ ជនរងគ្រោះ បានឲ្យឈ្មោះ យឹម សុវណ្ណៈ នៅដេកមើលផ្ទះ កើតហេតុ លុះដល់ម៉ោង ប្រហែល ០៣និង៣០នាទី ទាបភ្លឺ ជនរងគ្រោះបានលឺសំឡេង គាស់បន្ទប់ ក៏ភ្ញាក់ឡើងឃើញជនសង្ស័យ កំពុងធ្វើសកម្មភាព រើក្នុងបន្ទប់គ្មាន មនុស្សស្នាក់នៅ ដើម្បីរក ទ្រព្យសម្បត្តិ ជនរងគ្រោះក៏ផ្តល់ព័ត៌មានជូនសមត្ថកិច្ច ចុះទៅដល់ឃាត់ខ្លួនជនសង្ស័យបាន។ ដោយមានចម្លើយ សារភាព របស់ជនសង្ស័យ សមត្ថកិច្ចយើងក៏ធ្វើការឃាត់ខ្លួន នៅវេលាម៉ោង ០៨និង០០នាទី។
By:GCNP
នគរបាលឃាត់ខ្លួនជនសង្ស័យម្នាក់ ពីបទរំលោភស្ត្រីរងគ្រោះនៅក្នុងផ្ទះបាយ
នគរបាលឃាត់ខ្លួនជនសង្ស័យម្នាក់ ពីបទរំលោភស្ត្រីរងគ្រោះនៅក្នុងផ្ទះបាយ
ខេត្តកំពង់ឆ្នាំង៖ នាថ្ងៃទី៨ ខែមេសា ឆ្នាំ២០១៣ សមត្ថកិច្ចនគរបាលការិយាល័យព្រហ្មទ័ណ្ឌធ្ងន់ សហការជាមួយកម្លាំង នគរបាលប៉ុស្តិ៍រដ្ឋបាលស្រែថ្មី នៃអធិការដ្ឋាននគរបាលស្រុករលាប្អៀរ បានឃាត់ខ្លួនមុខសញ្ញាសង្ស័យម្នាក់ ពីបទចាប់ជនរងគ្រោះរំលោភលើផ្ទះបាយ ។
លោកវរសេនីយ៍ត្រី ឌុច ចំរើន ប្រធានស្តីទីការិយាល័យព្រហ្មទ័ណ្ឌកម្រិតធ្ងន់ បានឲ្យដឹងថា ជនសង្ស័យដែលសមត្ថកិច្ចយើងចាប់ខ្លួននេះ ឈ្មោះ យី ចាន់ថន ហៅ ឃុន ភេទប្រុស អាយុ២៥ឆ្នាំ មានទីលំនៅភូមិថ្មកែវ ឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ។ លោកវរសេនីយ៍ត្រី បានបន្តទៀតថា តាមការបញ្ជារបស់លោកស្នងការ លោកបានធ្វើប្រតិបត្តិការ សហការជាមួយនគរបាលប៉ុស្តិ៍នគរបាលរដ្ឋបាលស្រែថ្មី ព័ទ្ធចាប់ជនដែលមាន ឈ្មោះដូចខាងលើ ខណៈពេលកំពុងជិះម៉ូតូគេចខ្លួន ។
ក្រោយពីចាប់ខ្លួនបាន ជនសង្ស័យបានសារភាពថា មុនឈានដល់ការធ្វើសកម្មភាពវេលោម៉ោង ១៣និង៤៥នាទី ថ្ងែទី៨ ខែមេសា ឆ្នាំ២០១៣ ជនសង្ស័យបានជិះម៉ូតូទៅលេងផ្ទះអ្នកស្គាល់គ្នា ក្បែរផ្ទះជនរងគ្រោះ ។ពេលកំពុងជជែកគ្នាជាមួយមិត្តភក្តិខ្លួន បានចុះមកដី រួចក៏ដើរទៅកាន់ផ្ទះជនរងគ្រោះ ដោយឃើញជនរងគ្រោះ ឈ្មោះ ឃ.ស.រ អាយុ២៨ឆ្នាំ កំពុងអង្គុយរើសគ្រាប់ស្រូវ ពីក្នុងអង្ករនៅផ្ទះបាយតែម្នាក់ ។ ដោយមានសភាពស្ងាត់ ខ្លួនបានចូលពីក្រោយ ហើយចាប់ជនរងគ្រោះរំលោភតែម្តង ក្រោយធ្វើសកម្មភាព ខ្លួនបានដើរមកផ្ទះអ្នកស្គាល់គ្នាហើយ លាម្ចាស់ផ្ទះត្រឡប់ទៅផ្ទះវិញ ពេលកំពុងជិះម៉ូតូត្រូវនគរបាលចាប់ខ្លួនតែម្តង ។
បច្ចុប្បន្នជនសង្ស័យ ត្រូវបានសមត្ថកិច្ចនគរបាល កសាងសំណុំរឿង បញ្ជូនទៅសាលដំបូងខេត្ត ដើម្បីចាត់ការ តាមនិតិវិធីច្បាប់ ៕
By:GCNP
នគរបាលឃាត់ខ្លួនជនសង្ស័យពីរនាក់ ពីបទឆក់កាបូបអ្នកទេសចរណ៍
នគរបាលឃាត់ខ្លួនជនសង្ស័យពីរនាក់ ពីបទឆក់កាបូបអ្នកទេសចរណ៍
ខេត្តព្រះសីហនុ៖ ចោរឆក់កាបូបភ្ញៀវទេសចរណ៍ តាមមាត់សមុទ្រពីរនាក់ ត្រូវសមត្ថកិច្ចនគរបាលខេត្តព្រះសីហនុ ចាប់ខ្លួនបានភ្លាមៗ កាលពីរសៀលថ្ងៃទី៨ ខែមេសា ឆ្នាំ២០១៣ បន្ទាប់ពីពួកវាបានប្រព្រឹត្តបទល្មើសឆក់កាបូបស្ត្រីជនជាតិហ្វាំងឡង់ម្នាក់ កំពុងដើរនៅតាមបណ្តោយផ្លូវឆ្នេរអូរត្រេះ ស្ថិតនៅភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
នគរបាលខេត្តព្រះសីហនុ បានឲ្យដឹងថា ជនសង្ស័យ ទី១.ឈ្មោះ ចន មនោថៃ ភេទប្រុស អាយុ២៦ឆ្នាំ មុខរបរ រត់ម៉ូតូឌុប ស្នាក់នៅក្រុមទី៤ ភូមិ៤ សង្កាត់លេខ៤ ក្រុង ខេត្តព្រះសីហនុ និងទី២.ឈ្មោះ ជិន រ៉ា ភេទប្រុស អាយុ២១ឆ្នាំ មានទីលំនៅដូចគ្នា មុខរបរ បុគ្គលិកភោជនីយ៍ដ្ឋានប៊ីចក្លឹប នៅឆ្នេរអូរត្រេះ ។ ជាមួយនៃការចាប់ខ្លួននេះ សមត្ថកិច្ចដកហូតបានម៉ូតូ ម៉ាកវេវឆ្លាម ១គ្រឿង ដែលជាមធ្យោបាយជិះធ្វើសកម្មភាពផងដែរ ។ រីឯឈ្មោះ ចន មនោថៃ ក៏ជាមុខសញ្ញាចាស់ ដែលមានដីកាស្វែងរកចាប់ខ្លួន ពីចៅក្រមស៊ើបសួរសាលាដំបូងខេត្តព្រះសីហនុផងដែរ ដែលត្រូវជាប់ពីបទបង្ករបួសដោយចេតនា ប្រព្រឹត្តនៅភូមិព្រែកប្រស់ឃុំទឹកថ្លា ស្រុកព្រៃនប់ កាលពីកំឡុងឆ្នាំ២០០៧ ។
បច្ចុប្បន្នករណីនេះ សមត្ថកិច្ចនគរបាល កំពុងកសាងសំណុំរឿងតាមនីតិវិធី បញ្ជូនទៅសាលាដំបូងខេត្ត ៕
By:GCNP
អគ្គីភ័យលេបត្របាក់ផ្ទះឈើ២ខ្នង៦ដំបូល នៅក្រុងក្រចេះទាំងព្រឹក
អគ្គីភ័យលេបត្របាក់ផ្ទះឈើ២ខ្នង៦ដំបូល នៅក្រុងក្រចេះទាំងព្រឹក
ខេត្តក្រចេះ៖ ស្នងការដ្ឋាននគរបាលខេត្តបានប្រើប្រាស់កម្លាំងចំនួនជិត១រយនាក់ក្នុង ការចុះជួយសង្រ្គោះនិងប្រើប្រាស់រថយន្តពន្លត់អគ្គីភ័យ ចំនួន២គ្រឿងនិងទឹកចំនួន១២ឡាន ធ្វើការបាញ់ពន្លត់និងទប់ស្កាត់លំនៅដ្ឋានក្បែរខាងមួយចំនួនទៀត បន្ទាប់ពីអណ្តាតភ្លើង បានឆាបឆេះសន្ឋោសន្ឋៅទៅលើផ្ទះឈើ២ខ្នង៦ដំបូលមានរយះពេល ជិត២ម៉ោងរួចមក។
យ៉ាងហោចណាស់មានផ្ទះកាតាំងចំនួន២ខ្នង ៦ដំបូល ត្រូវបានព្រះអគ្គីឆាបឆេះលេប ត្របាក់គ្មានសល់តែមួយពព្រឹចភ្នែក កាលពីវេលាម៉ោង៩និង៣០នាទីព្រឹកថ្ងៃទី៩ ខែមេសា ទៅ លើទីតាំងលំនៅដ្ឋានចំនួនពីរខ្នងជាប់គ្នា ក្នុងភូមិរការកណ្តាលទី១ សង្កាត់រការកណ្តាល ក្រុងក្រចេះ។
មិនទាន់មានប្រភពព័ត៌មានណាមួយបញ្ជាក់ថា មូលហេតុដែលបង្កឲ្យមានគ្រោះអគ្គីភ័យនេះ បណ្តាលមកពីមូលហេតុអ្វីនៅឡើយនោះទេ ដោយម្ចាស់ផ្ទះដែលជាដើមហេតុ បានអះអាងប្រាប់សមត្ថកិច្ចថា បណ្តាលមកពីទុស្សេរខ្សែភ្លើង ខណះដែលរូបគាត់និង ភរិយាមិននៅផ្ទះរវល់ទៅធ្វើបុណ្យ។ អណ្តាតភ្លើងត្រូវបានកើតចេញពីផ្ទះឈើមួយខ្នង៣ដំបូល មានទំហំ ៨គុណ១២មែត្រ ធ្វើអំពីឈើប្រក់ក្បឿងជា កម្មសិទ្ឋរបស់ជនរងគ្រោះឈ្មោះសន ធី អាយុ៣៧ឆ្នាំ ជាបុគ្គលិកមន្ទីរអប់រំប្រពន្ឋឈ្មោះ ចោម ចរណៃ អាយុ២៩ឆ្នាំ មុខរបរជាគ្រូបង្រៀន និងត្រូវបាន ខូចខាតទាំងស្រុងក្នុងអណ្តាតភ្លើង ក្នុងនោះរួមមានស្រូវ២០បេ លុយខ្មែរ៣០ម៉ឺន រៀល លុយដុល្លារ ២២០ដុល្លារ ទូរ៣ គ្រែ១ និងសម្ភារៈប្រើប្រាស់មួយចំនួនធំ។ លំនៅដ្ឋានមួយ ខ្នងទៀតមានទំហំ៧.៥គុណ១២មែត្រ ១ខ្នង៣ដំបូលធ្វើអំពីឈើប្រក់ក្បឿង និងទើបតែ សាងសងរួចកាលពីឆ្នាំទៅ ជាកម្មសិទ្ឋរបស់ជនរងគ្រោះឈ្មោះ ហ៊ន សុមី អាយុ៣៣ឆ្នាំ បំរើការងារនៅអង្គការក្រៅរដ្ឋាភិបាល នៅខេត្តក្រចេះប្រពន្ឋឈ្មោះ លី ម៉ាឡៃ អាយុ៣២ឆ្នាំ ជាគ្រូបង្រៀន។ លំនៅដ្ឋានមួយខ្នងនេះត្រូវបានអណ្តាតភ្លើងឆាបឆេះគ្មានសល់ សម្ភារៈ ខូចខាតរួមមានលុយដុល្លារ៣០០ដុល្លារ គ្រឿងអលង្ការបា្លទីន ជាង១តម្លឹងនិងសម្ភារៈប្រើប្រាស់ក្នុងផ្ទះមួយចំនួនធំ។
តាមការអះអាងនៅកន្លែងកើតហេតុរបស់បុរសឈ្មោះ សន ធី អាយុ៣៧ឆ្នាំ ជាម្ចាស់ ផ្ទះដើមហេតុ បាននិយាយថា ថ្ងៃកើតហេតុគាត់និងប្រពន្ឋមិននៅផ្ទះនិងចាក់សោរផ្ទះហើយ បាននាំគ្នាទៅធ្វើបុណ្យនៅផ្ទះម្តាយ។ ដោយបុរសរូបនេះអះអាងថា ក្នុងផ្ទះគាត់មិនមានអុជ ធូបទៀន រឺដុតភ្លើងទុកចោលនោះទេ។
លោក ស្រី កុសល ចៅសង្កាត់រការកណ្តាលបានឲ្យដឹងថា លំនៅដ្ឋានទាំងពីរខ្នង៦ ដំបូលនេះ ត្រូវបានឆេះទាំងស្រុងក្នុងគ្រោះអគ្គីភ័យ ខណះដែលម្ចាស់លំនៅដ្ឋានទាំងពីរមិននៅផ្ទះ។ មុនពេលកើតហេតុ គឺមានការដាច់ចរន្តអគ្គីសនី ហើយបន្ទាប់ពីចរន្តអគ្គីសនី បានតភ្ជាប់វិញ ក៏ឃើញមានផ្សែង ហុយតាមដំបូលផ្ទះរបស់ជនរងគ្រោះ ឈ្មោះ សន ធី ក៏មានអណ្តាតភ្លើងឆេះរាលដាល សន្ឋោសន្ឋៅ គ្មាននរណាជួយទាន់ ខណះដែលម្ចាស់លំនៅដ្ឋានទាំងពីរមិននៅផ្ទះ និងចាក់សោរ ពីខាងក្រៅជាប់។
ក្នុងសកម្មភាពនៃការចុះជួយសង្រ្គោះបាញ់ពន្លត់នោះ គឺមានការចុះដឹកនាំចាត់ចែង ផ្ទាល់ពីសំណាក់លោកឧត្តមសេនីយ៏ត្រី ជួង ស៊ាងហាក់ ស្នងការនគរបាលខេត្ត និងលោក វរៈសេនីយ៏ឯក ហន ប៉ូច ស្នងការរងកណ្តាលសណ្តាប់ធ្នាប់ និងកងកម្លាំងនគរបាលជាច្រើនរូបទៀត ដោយកម្លាំងសមត្ថកិច្ចបានធ្វើ ការបាញ់ពន្លត់ និងបាញ់ទឹកទប់ស្កាត់ការឆេះ រាលដាលនូវលំនៅដ្ឋានមួយចំនួនទៀតដែលនៅក្បែរនោះ។
By:GCNP
គ្រោះថ្នាក់ចរាចរណ៍នាថ្ងៃទី ០៩ ខែមេសា ឆ្នាំ២០១៣ បណ្តាលឲ្យមានមនុស្សស្លាប់ ០២នាក់ និងរងរបួសធ្ងន់ ០៤នាក់
រាជធានីភ្នំពេញ៖ នាថ្ងៃទី០៩ ខែមេសា ឆ្នាំ២០១៣ មានគ្រោះថ្នាក់ចរាចរណ៍ នៅទូទាំងប្រទេស ០៤លើក (យប់ ០២លើក), បណ្តាលឲ្យមនុស្សស្លាប់ ០២នាក់ (ស្រី ម្នាក់), របួសធ្ងន់ ០២នាក់ (ស្រី ម្នាក់) និងរបួសស្រាល ០២ នាក់ (ប្រុស)។
ក្នុងគ្រោះថ្នាក់ចរាចរណ៍ទាំង ០៤លើក បានបង្កឲ្យខូចខាតយានយន្តសរុប ០៥គ្រឿង ក្នុងនោះម៉ូតូ ០៣គ្រឿង, រថយន្តធុនតូច ០១គ្រឿង, យាន្តផ្សេងៗ ០១គ្រឿងនិង ថ្មើរជើង ម្នាក់ ។ ប្រភពខាងលើឲ្យដឹងបន្តទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីល្បឿន ០៤លើក ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ០២ នាក់ (យប់ ម្នាក់)។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី០៩ ខែមេសា ឆ្នាំ២០១៣នេះ មានចំនួន ៨៣គ្រឿង គឺ រថយន្តទេសចរណ៍ ០១គ្រឿង, រថយន្តដឹកអ្នកដំណើរធុនតូច ៤០គ្រឿង, និង រថយន្តដឹកទំនិញធុនធំ ៤២គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាល ស្រុក/ខណ្ឌ ១០គ្រឿង, នៅស្នងការដ្ឋាននគរបាល រាជធានី/ខេត្ត ៣៣គ្រឿង និងនៅនាយកដ្ឋាន សណ្តាប់ធ្នាប់ ៤០គ្រឿង។
By:GCNP
ក្នុងគ្រោះថ្នាក់ចរាចរណ៍ទាំង ០៤លើក បានបង្កឲ្យខូចខាតយានយន្តសរុប ០៥គ្រឿង ក្នុងនោះម៉ូតូ ០៣គ្រឿង, រថយន្តធុនតូច ០១គ្រឿង, យាន្តផ្សេងៗ ០១គ្រឿងនិង ថ្មើរជើង ម្នាក់ ។ ប្រភពខាងលើឲ្យដឹងបន្តទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីល្បឿន ០៤លើក ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ០២ នាក់ (យប់ ម្នាក់)។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី០៩ ខែមេសា ឆ្នាំ២០១៣នេះ មានចំនួន ៨៣គ្រឿង គឺ រថយន្តទេសចរណ៍ ០១គ្រឿង, រថយន្តដឹកអ្នកដំណើរធុនតូច ៤០គ្រឿង, និង រថយន្តដឹកទំនិញធុនធំ ៤២គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាល ស្រុក/ខណ្ឌ ១០គ្រឿង, នៅស្នងការដ្ឋាននគរបាល រាជធានី/ខេត្ត ៣៣គ្រឿង និងនៅនាយកដ្ឋាន សណ្តាប់ធ្នាប់ ៤០គ្រឿង។
By:GCNP
រថយន្តអេយចាយបុកបង្គោលភ្លើងបណ្តាល ឲ្យបែកប្រអប់ភ្លើង
រថយន្តអេយចាយបុកបង្គោលភ្លើងបណ្តាល ឲ្យបែកប្រអប់ភ្លើង
ភ្នំពេញ៖ ហេតុការណ៍គ្រោះថ្នាក់ចរាចរណ៍មួយដែលបង្កឡើងដោយរថយន្តម៉ាក កូរ៉េ1,5តោន ពណ៌ទឹកប៊ិចចាស់ ពាក់ស្លាកលេខ ភ្នំពេញ 2T 1091 បើកបរដោយបុរសម្នាក់ឈ្មោះ ជា បុគ្តា អាយុ២៦ឆ្នាំ បានបុកជាមួយបង្គោលអគ្គីសនីបណ្តាលអោយបែកធ្លាក់ប្រអប់ភ្លើង។
ហេតុការណ៍នេះកើតឡើងនៅវេលាម៉ោង២៣និង០៥នាទីយប់ថ្ងៃទី៩ខែមេសាឆ្នាំ២០១៣ តាមបណ្តោយផ្លូវ ព្រែកប្រា ស្ថិតនៅក្រុម២៣ ភូមិ អូអណ្តូង ខណ្ឌមានជ័យ រាជធានីភ្នំពេញ។តាមប្រភពព័ត៌មាននៅកន្លែងកើតហេតុបានអោយដឹងថាមុនពេលកើតហេតុគេបានឃើញ អ្នកបើកបររថយន្តដើរចេញពីតូបលក់របោះហូបមួយនៅកន្លែងជិតទីនោះ រួចក៏បើករថយន្តចេញក្នុងទិសដៅពីត្បូង ទៅជើងដោយខ្វះការប្រុងប្រយ័ត្នក៏ធ្វើអោយបុកទាក់បង្គោលភ្លើង បណ្តាលអោយធ្លាក់ប្រអប់ភ្លើង ភ្លាមៗតែម្តង ពេលនោះសមត្ថកិច្ចនគរបាលក៏បានចុះមកធ្វើការត្រួតពិនិត្យនិងវាស់វែងអនុវត្តន៍តាមនីតិវិធីផងដែរ។
By:GCNP
គ្រោះថ្នាក់ចរាចរណ៍នាថ្ងៃទី ១០ ខែមេសា ឆ្នាំ២០១៣ បណ្តាលឲ្យមានមនុស្សស្លាប់ ០៤ នាក់ និងរងរបួសធ្ងន់ស្រាល ២៥នាក់
រាជធានីភ្នំពេញ៖ នាថ្ងៃទី១០ ខែមេសា ឆ្នាំ២០១៣ មានគ្រោះថ្នាក់ចរាចរណ៍ នៅទូទាំងប្រទេស ០៧លើក (យប់ ០២លើក), បណ្តាលឲ្យមនុស្សស្លាប់ ០៤នាក់ (ស្រី ម្នាក់), របួសធ្ងន់ ០៥នាក់ (ស្រី ម្នាក់),និងរបួសស្រាល ២០នាក់(ស្រីម្នាក់) ។
ក្នុងគ្រោះថ្នាក់ចរាចរណ៍ទាំង ០៧លើក បានបង្កឲ្យខូចខាតយានយន្តសរុប ១៣គ្រឿង ក្នុងនោះម៉ូតូ ០៨គ្រឿង, រថយន្តធុនតូច ០២គ្រឿង,រថយន្តធុនធំ ០១គ្រឿងនិងយាន្តផ្សេងៗ ០២គ្រឿង ។ ប្រភពខាងលើឲ្យដឹងបន្តទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីអ្នកបើកបរល្មើសល្បឿនកំណត់ ០៥លើក,បត់គ្រោះថា្នក់ ១លើក, ស្រវឹង ០១លើក, ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ០៥ នាក់ (យប់ ០២ នាក់)។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី១០ ខែមេសា ឆ្នាំ២០១៣នេះ មានចំនួន ១២៥គ្រឿង គឺ រថយន្តទេសចរណ៍ ០៥គ្រឿង , រថយន្តដឹកអ្នកដំណើរធុនតូច ៥៧គ្រឿង, រថយន្តដឹកអ្នកដំណើរធុនធំ ៤៧គ្រឿង, រថយន្តដឹកទំនិញធុនធំ ១៦គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាល ស្រុក/ខណ្ឌ ០៥គ្រឿង, នៅស្នងការដ្ឋាននគរបាល រាជធានី/ខេត្ត ១០៤គ្រឿង និង នៅនាយកដ្ឋានសណ្តាប់ធ្នាប់ ១៦គ្រឿង ៕
By:GCNP
ក្នុងគ្រោះថ្នាក់ចរាចរណ៍ទាំង ០៧លើក បានបង្កឲ្យខូចខាតយានយន្តសរុប ១៣គ្រឿង ក្នុងនោះម៉ូតូ ០៨គ្រឿង, រថយន្តធុនតូច ០២គ្រឿង,រថយន្តធុនធំ ០១គ្រឿងនិងយាន្តផ្សេងៗ ០២គ្រឿង ។ ប្រភពខាងលើឲ្យដឹងបន្តទៀតថាមូលហេតុ ដែលបណ្តាលឲ្យមានគ្រោះថ្នាក់ គឺបណ្តាលមកពីអ្នកបើកបរល្មើសល្បឿនកំណត់ ០៥លើក,បត់គ្រោះថា្នក់ ១លើក, ស្រវឹង ០១លើក, ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ០៥ នាក់ (យប់ ០២ នាក់)។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី១០ ខែមេសា ឆ្នាំ២០១៣នេះ មានចំនួន ១២៥គ្រឿង គឺ រថយន្តទេសចរណ៍ ០៥គ្រឿង , រថយន្តដឹកអ្នកដំណើរធុនតូច ៥៧គ្រឿង, រថយន្តដឹកអ្នកដំណើរធុនធំ ៤៧គ្រឿង, រថយន្តដឹកទំនិញធុនធំ ១៦គ្រឿង ។
រថយន្តទាំងអស់ខាងលើបានបង់ប្រាក់ពិន័យរួចរាល់ នៅអធិការដ្ឋាននគរបាល ស្រុក/ខណ្ឌ ០៥គ្រឿង, នៅស្នងការដ្ឋាននគរបាល រាជធានី/ខេត្ត ១០៤គ្រឿង និង នៅនាយកដ្ឋានសណ្តាប់ធ្នាប់ ១៦គ្រឿង ៕
By:GCNP
នគរបាលខេត្តមណ្ឌលគីរីឃាត់ខ្លួនជនសង្ស័យម្នាក់ករណីប្រើអំពើហិង្សាដោយចេតនា
នគរបាលខេត្តមណ្ឌលគីរីឃាត់ខ្លួនជនសង្ស័យម្នាក់ករណីប្រើអំពើហិង្សាដោយចេតនា
ខេត្តមណ្ឌលគីរី៖ នៅថ្ងៃទី០៨ ខែមេសា ឆ្នាំ២០១៣វេលាម៉ោង ២១និង០០នាទីកម្លាំងការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តមណ្ឌលគីរីបានចុះឃាត់ខ្លួនជនសង្ស័យម្នាក់ឈ្មោះពាក្យ សុខងី ភេទប្រុស អាយុ៣៩ឆ្នាំ ជនជាតិខ្មែរ មុខរបរជាជាងជួសជុលរថយន្តមានទីលំនៅក្នុងផ្ទះជួល ស្ថិតនៅភូមិមានលាភ សង្កាត់មនោរម្យ ក្រុងសែនមនោរម្យ ខេត្តមណ្ឌលគីរី តាមពាក្យបណ្តឹងរបស់ជនរងគ្រោះឈ្មោះ នួន ពិសី ភេទប្រុស អាយុ៣១ឆ្នាំ ជនជាតិខ្មែរ មុខរបរបើកបររថយន្តមានទីលំនៅក្នុងភូមិឃុំជាមួយគ្នា ។
ករណីបង្កហិង្សាដោយចេតនាខាងលើបានបណ្តាលឲ្យឈ្មោះ នួន ពិសី រងរបួសធ្ងន់ត្រង់ក្បាលចំណុចកណ្តាលក្បាលខាងលើទំហំ៤.៥ស.ម(ដេ ៤ថ្នេរ) និងមានស្នាមរបួសនៅត្រង់កែងដៃ និងកំភួនជើងជាច្រើនកន្លែងទៀត ។ លទ្ធផលនៃការស៊ើបអង្កេតរបស់នគរបាលជំនាញបានឲ្យដឹងថា ឈ្មោះ ពាក្យ សុខងី ពិតជាបានវាយទៅលើជនរងគ្រោះចំក្បាល កែងដៃ និងកំភួនជើងដោយដងសោជួសជុលរថយន្តពិតមែន ។
លោកឧត្តមសេនីយ៍ត្រី ញ៉ែម វ៉ាន់នី ស្នងការនគរបាលខេត្តមណ្ឌលគីរីបានបង្ហើបឲ្យដឹងថា បច្ចុប្បន្នជនសង្ស័យត្រូវបានបញ្ជូនទៅសាលាតំបូងខេត្តមណ្ឌលគិរីដើម្បីចាត់ការតាមនីតិវិធីច្បាប់ហើយ ។ រីឯជនរងគ្រោះត្រូវបានបញ្ជូនទៅព្យាបាលរបួសនៅមន្ទីរពេទ្យបង្អែកក្រុងសែនមនោរម្យ ក៏ប៉ុន្តែជនរងគ្រោះមិនទាន់ទទួលបានការព្យបាលនៅឡើយទេមកទល់នឹងព្រឹកថ្ងៃទី១០ ខែមេសា ឆ្នាំ២០១៣ ដោយសារគាត់មិនមានគ្រួសារ និងថវិកា ។ ដោយមានការអាណិតអាសូរដល់ជនរងគ្រោះដែលមិនមានសាច់ញាតិ និងធនធានដើម្បីព្យាបាលរបួស ទើបលោកឧត្តមសេនីយ៍ត្រី ញ៉ែម វ៉ាន់នី ស្នងការនគរបាលខេត្តមណ្ឌលគីរី និងលោក ឃុត សុភៀង ព្រះរាជអាជ្ញាអមសាលាតំបូងខេត្ត សហការគ្នាចេញថ្លៃសេវាព្យាបាលរបួសដល់ជនរងគ្រោះឈ្មោះ នួន ពិសី ឲ្យបានជាសះស្បើយដោយពួកគាត់ជាអ្នកទទួលខុសត្រូវលើចំណាយទាំងអស់ ៕
By:GCNP
ជិះម៉ូតូចេញពីស្រុកថ្មគោលមកខេត្ត បន្ទាយមានជ័យធ្វើបុណ្យ ត្រូវរថយន្តដឹក ផ្លែឈើបុកស្លាប់ម្នាក់របួសមធ្យមម្នាក់
ជិះម៉ូតូចេញពីស្រុកថ្មគោលមកខេត្ត បន្ទាយមានជ័យធ្វើបុណ្យ ត្រូវរថយន្តដឹក ផ្លែឈើបុកស្លាប់ម្នាក់របួសមធ្យមម្នាក់
ខេត្តបន្ទាយមានជ័យ៖ មានឧបទ្ទវហេតុគ្រោះថ្នាក់ចរារចរណ៍មួយកើតឡើងបង្កដោយរថយន្តកាម៉ារីពណ៌ទឹកប្រាក់ពាក់ស្លាកលេខសៀមរាប ២A ១៦៩៥ ដឹកផ្លែឈើ បានបុកអ្នកជិះម៉ូតូពីក្រោយពេញ ទំហឹងបណ្តាលឲ្យស្រ្តីចំណាស់ម្នាក់ស្លាប់មួយរំពេចនៅនឹងកន្លែងកើតហេតុ និងម្នាក់ទៀតទទួល រងរបួសយ៉ាងដំណំ។ ហេតុការណ៍នេះកើតឡើងកាលពីវេលាម៉ោង០៩និង៣០នាទីព្រឹកថ្ងៃទី ១០ ខែមេសា ឆ្នាំ២០១៣ នៅលើកំណាត់ផ្លូវជាតិលេខ៦ ត្រង់ចំណុចភូមិសាលាក្រៅ សង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។
លោកអនុសេនីយ៍ឯក តោ សារូ នាយផ្នែកនគរបាលចរាចរខេត្តបានឲ្យដឹងថា ករណីគ្រោះថ្នាក់ចរាចរណ៍នេះ បើតាមសាក្សីឃើញហេតុការណ៍គឺមុនពេលកើតហេតុ គេឃើញម៉ូតូ១គ្រឿងម៉ាកហុងដាវ៉េវ ពណ៌ខ្មៅ ពាក់ស្លាកលេខបន្ទាយមានជ័យ១C ៩២៣៧ ជិះគ្នា២នាក់ បើកបរមកពីទិសខាងលិចទៅកើតលុះបើកមកដល់ចំណុចកើតហេតុខាងលើ អ្នកបើកម៉ូតូបានឈប់បម្រុងបត់ឆ្វេងឆ្លងថ្នល់ទៅឃុំបុស្បូវ ស្រាប់តែរំពេចនោះ គេឃើញ រថយន្តកាម៉ារីដឹកផ្លែឈើ បើកបរយ៉ាងលឿន ក្នុងទិសដៅស្របគ្នា ចាប់ហ្វាំងអូស កង់ជា ច្រើនម៉ែត្រហើយជ្រុលទៅបុកពីក្រោយអ្នកជិះម៉ូតូទាំង០២នាក់អូសប្រវែងជិត២០ម៉ែត្រ បណ្តាលឲ្យស្រ្តីចំណាស់ម្នាក់អ្នករួមដំណើរខាងក្រោយបានស្លាប់មួយរំពេច ចំណែកអ្នក បើកម៉ូតូវិញទទួលរងរបួសយ៉ាងដំណំ ត្រូវបានគេដឹកបញ្ជូនសង្រ្គោះជីវិត នៅមន្ទីរពេទ្យ។ ចំណែករថយន្តបង្កឃើញដូច្នេះក៏បើករថយន្ត រត់គេចខ្លួន រហូតទៅដល់ស្រុកព្រះនេត្រព្រះទើប នគរបាលស្រុកព្រះនេត្រព្រះស្ទះចាប់បាន ចំណែកអ្នកបើកបររត់គេច ខ្លួនបាត់។ លោកនាយផ្នែកចរាចរខេត្តបានបន្តទៀតថា ជនរងគ្រោះបាត់បង់ជីវិតមានឈ្មោះ តិ វ៉ាន់ អាយុ៦៥ឆ្នាំ ចំណែកអ្នករងរបួសម្នាក់ទៀតឈ្មោះ សេង តុ ភេទប្រុស អាយុ២៥ឆ្នាំ អ្នកទាំង០២នាក់រស់នៅភូមិពោធិ៍ ឃុំល្វា ស្រុកបវេល ខេត្តបាត់ដំបង ។បើតាម ប្រភពព័ត៌មានពីសាច់ញាតិជនរងគ្រោះ គឺជនរងគ្រោះចេញពីស្រុកបវេល ខេត្តបាត់ដំបង មក ខេត្តបន្ទាយមានជ័យដើម្បីចូលរួមពិធីបុណ្យនៅផ្ទះបងប្អូននៅឃុំបុស្បូវ។សាកសពជនរងគ្រោះត្រូវ បានសមត្ថកិច្ចប្រគល់ឲ្យសាច់ញាតិយកទៅចាត់ចែងធ្វើពិធីបុណ្យតាមប្រពៃណី។ រថយន្តបង្កនិងម៉ូតូជនរងគ្រោះត្រូវបាននគរបាល ចរាចរខេត្តនាំយកមកកាន់ ស្នងការដ្ឋាន នគរបាលខេត្តបន្ទាយមានជ័យដើម្បីទុកដោះស្រាយតាមផ្លូវច្បាប់៕
By: GCNP
Sunday, 7 April 2013
ជនសង្ស័យជាជនជាតិចិន៣៩នាក់ ត្រូវបាននគរបាលចាប់ខ្លួនពីបទចាប់ ជំរិតតាមប្រព័ន្ធ អ៊ីនធឺណិត
ជនសង្ស័យជាជនជាតិចិន៣៩នាក់ ត្រូវបាននគរបាលចាប់ខ្លួនពីបទចាប់ ជំរិតតាមប្រព័ន្ធ អ៊ីនធឺណិត
រាជធានីភ្នំពេញ ៖ ជនជាតិចិនចំនួន ៣៩នាក់ ស្រី ១២នាក់ដែលជាប់ពាក់ពន្ធក្នុងរឿងចាប់ជំរិតតាមប្រព័ន្ធអ៊ីនធឺណិត VOIPនៅ ប្រទេសចិន ត្រូវបានកំលាំងនៃអគ្គស្នងការដ្ឋាននគរបាលជាតិ ដឹកនាំដោយតំណាងអយ្យការសាលាដំបូងរាជធានីភ្នំពេញបានបើកប្រតិបត្តិការ ចុះបង្ក្រាបកាលពីព្រឹកថ្ងៃទី៥ ខែមេសាឆ្នាំ២០១៣នៅទីតាំងមួយកន្លែងស្ថិតនៅផ្ទះ លេខ១៣៥ ផ្លូវលេខ១៩៩ សង្កាត់ទំនប់ទឹក ខណ្ឌចំការមន។
សមត្ថកិច្ច បានឲ្យដឹងថាក្រោយពីសមត្ថកិច្ចជំនាញបើកប្រតិបត្តិការបង្ក្រាបមុខ សញ្ញា ចាប់ជំរិតតាមអ៊ីនធឺណិតនៅតាមបណ្ដាខណ្ឌមួយចំនួនរួចមកនៅព្រឹកថ្ងៃទី៥នេះកំលាំងជំនាញបានបើកប្រតិបត្តិការឆ្មក់ចុះបង្ក្រាបទីតាំង ផ្ទះល្វែងលេខ១៣៥ ផ្លូវលេខ១៩៩ ភូមិ៤ សង្កាត់ទំនប់ទឹក ខណ្ឌចំការមន រាជធានីភ្នំពេញ ដោយបានឃាត់ខ្លួនជនជាតិចិនចំនួន ៣៩នាក់ក្នុងនោះមានស្រី១២។
សមត្ថកិច្ចបន្តថាការចាប់ឃាត់ខ្លួនជនសង្ស័យទាំងនេះពាក់ព័ន្ធក្នុងរឿងចាប់ជំរិតតាមប្រព័ន្ធអ៊ីនធឺណិត VOIPនៅប្រទេសចិន។ ទោះបីជាយ៉ាងនេះក្តីមិនមានសមត្ថកិច្ចណាបញ្ជាក់ពីអត្តសញ្ញាណជនសង្ស័យទាំងនោះនៅឡើយទេ។
សូម រម្លឹកថា កន្លងមក ប៉ូលិសបានបើកប្រតិបត្តិការចាប់ជនជាតិចិនជាញឹកញាប់ ពាក់ព័ន្ធនឹងការចាប់ជំរិតឆ្លងដែនតាមប្រព័ន្ធអ៊ីនធឺណិត នៅក្នុងប្រទេសកម្ពុជា៕
By:GCNP
Thursday, 4 April 2013
ខេមរៈ សិរីមន្ត នាយកុយ និងគ្រួសារជន រងគ្រោះ ជាច្រើននាក់ទៀត ស្នើសម្តេចតេជោ ជួយពន្លឿនរឿងក្តី របស់ខ្លួន
- តារាចម្រៀង ខេមរៈ សិរីមន្ត ទាមទារសំណង ជិត១០ម៉ឺនដុល្លារ ខណៈជនរងគ្រោះផ្សេងទៀត ទារជាង២ម៉ឺន ដុល្លារ
ភ្នំពេញៈ តារាចម្រៀង ខេមរៈ សិរីមន្ត នាយកុយ យាយណាង រួមនិងក្រុមគ្រួសារជនរងគ្រោះក្នុងឧប្បត្តិហេតុ គ្រោះថ្នាក់ចរាចរនៅខេត្តព្រះសីហនុ បានស្នើសុំសម្តេចតេជោ ហ៊ុន សែន ក៏ដូចជាអាជ្ញាធរពាក់ព័ន្ធទាំងអស់ជួយ ពន្លឿនរឿងក្តីរបស់ខ្លួន ដែលរហូតមកដល់ពេលនេះ មិនទាន់មានការចរចា ឬដោះស្រាយពីភាគីក្រុមហ៊ុនបង្ក ហេតុ SK នៅឡើយទេ។
ការថ្លែងស្នើឲ្យអាជ្ញាធរពន្លឿនរឿងក្តីរបស់ក្រុមជនរងគ្រោះជាអ្នកសិល្បៈខាងលើនេះ បានធ្វើឡើងក្នុងសន្និសីទរួម គ្នាមួយនៅសមាគមសិល្បករកម្ពុជា នៅខណ្ឌដូនពេញ នាព្រឹកថ្ងៃសុក្រ ទី០៥ ខែមេសា ឆ្នាំ២០១៣នេះ។
នៅក្នុងសន្និសីទនោះ ក្រុមគ្រួសារជនរងគ្រោះទាំងអស់ បានទាមទារសំណងពីក្រុមហ៊ុនក្នុងម្នាក់ៗជាង ២ម៉ឺន ដុល្លារ ដោយឡែក តារាចម្រៀង ខេមរៈ សិរីមន្តវិញ ទាមទារសំណងជិត១០ម៉ឺនដុល្លារ។
ជាមួយគ្នានេះ តារាកំប្លែង នាយកុយ និងក្រុមគ្រួសារជនរងគ្រោះផ្សេងទៀត សូមបដិសេធរាល់ពាក្យចចាមអារ៉ាម ថា ភាគីក្រុមហ៊ុនបានទូទាត់សំណងក្នុងម្នាក់ជាង២ម៉ឺនដុល្លារ ជូនពួកខ្លួន គឺមិនទាន់មានដោះស្រាយអ្វីទាំងអស់។
សូមបញ្ជាក់កាលពីរាត្រីថ្ងៃទី០៧ ខែមីនា រថយន្តកុងតឺន័ររបស់ក្រុមហ៊ុនSK បានបុកពេញទំហឹងទៅលើរថយន្តក្រុមតារាចម្រៀងរបស់លោក ខេមរៈ សិរីមន្ត បណ្តាលឲ្យអ្នករួមដំណើរ៤នាក់ បានស្លាប់បាត់បង់ជីវិត។ ក្រោយពី កើតគ្រោះថ្នាក់ ទាំង ខេមរៈ សិរីមន្ត និងក្រុមគ្រួសាររងគ្រោះផ្សេងទៀត បានដាក់ពាក្យបណ្តឹងទៅសមត្ថកិច្ច ហើយពាក្យបណ្តឹងក៏បានបញ្ជូនទៅសាលាដំបូងខេត្តព្រះសីហនុរួចរាល់ផងដែរ តែរហូតដល់ថ្ងៃទី០៥ ខែមេសា ឆ្នាំ២០១៣ មិនទាន់មានដំណោះស្រាយនៅឡើយនោះទេ៕
Source: DAP
ភ្នំពេញៈ តារាចម្រៀង ខេមរៈ សិរីមន្ត នាយកុយ យាយណាង រួមនិងក្រុមគ្រួសារជនរងគ្រោះក្នុងឧប្បត្តិហេតុ គ្រោះថ្នាក់ចរាចរនៅខេត្តព្រះសីហនុ បានស្នើសុំសម្តេចតេជោ ហ៊ុន សែន ក៏ដូចជាអាជ្ញាធរពាក់ព័ន្ធទាំងអស់ជួយ ពន្លឿនរឿងក្តីរបស់ខ្លួន ដែលរហូតមកដល់ពេលនេះ មិនទាន់មានការចរចា ឬដោះស្រាយពីភាគីក្រុមហ៊ុនបង្ក ហេតុ SK នៅឡើយទេ។
ការថ្លែងស្នើឲ្យអាជ្ញាធរពន្លឿនរឿងក្តីរបស់ក្រុមជនរងគ្រោះជាអ្នកសិល្បៈខាងលើនេះ បានធ្វើឡើងក្នុងសន្និសីទរួម គ្នាមួយនៅសមាគមសិល្បករកម្ពុជា នៅខណ្ឌដូនពេញ នាព្រឹកថ្ងៃសុក្រ ទី០៥ ខែមេសា ឆ្នាំ២០១៣នេះ។
នៅក្នុងសន្និសីទនោះ ក្រុមគ្រួសារជនរងគ្រោះទាំងអស់ បានទាមទារសំណងពីក្រុមហ៊ុនក្នុងម្នាក់ៗជាង ២ម៉ឺន ដុល្លារ ដោយឡែក តារាចម្រៀង ខេមរៈ សិរីមន្តវិញ ទាមទារសំណងជិត១០ម៉ឺនដុល្លារ។
ជាមួយគ្នានេះ តារាកំប្លែង នាយកុយ និងក្រុមគ្រួសារជនរងគ្រោះផ្សេងទៀត សូមបដិសេធរាល់ពាក្យចចាមអារ៉ាម ថា ភាគីក្រុមហ៊ុនបានទូទាត់សំណងក្នុងម្នាក់ជាង២ម៉ឺនដុល្លារ ជូនពួកខ្លួន គឺមិនទាន់មានដោះស្រាយអ្វីទាំងអស់។
សូមបញ្ជាក់កាលពីរាត្រីថ្ងៃទី០៧ ខែមីនា រថយន្តកុងតឺន័ររបស់ក្រុមហ៊ុនSK បានបុកពេញទំហឹងទៅលើរថយន្តក្រុមតារាចម្រៀងរបស់លោក ខេមរៈ សិរីមន្ត បណ្តាលឲ្យអ្នករួមដំណើរ៤នាក់ បានស្លាប់បាត់បង់ជីវិត។ ក្រោយពី កើតគ្រោះថ្នាក់ ទាំង ខេមរៈ សិរីមន្ត និងក្រុមគ្រួសាររងគ្រោះផ្សេងទៀត បានដាក់ពាក្យបណ្តឹងទៅសមត្ថកិច្ច ហើយពាក្យបណ្តឹងក៏បានបញ្ជូនទៅសាលាដំបូងខេត្តព្រះសីហនុរួចរាល់ផងដែរ តែរហូតដល់ថ្ងៃទី០៥ ខែមេសា ឆ្នាំ២០១៣ មិនទាន់មានដំណោះស្រាយនៅឡើយនោះទេ៕
Source: DAP
ការិយាល័យ ផ្តល់លិខិត ឆ្លងដែន នៅបាត់ដំបង កំពុងត្រៀមខ្លួន ដំណើរការ
-ពលករខ្មែរធ្វើការនៅថៃ សម្រុកមកស្រុកវិញ ដើម្បីចូលរួមពិធីបុណ្យចូលឆ្នាំខ្មែរ
បាត់ដំបង៖ បន្ទាប់ពីរដ្ឋមន្រ្តីក្រសួងមហាផ្ទៃ លោក ស ខេង ប្រកាសបើកឲ្យមានការរៀបចំ ការិយាល័យផ្តល់លិខិតឆ្លងដែន នៅតាមព្រំដែន ដើម្បី បង្កលក្ខណៈងាយស្រួល ក៏ដូចជាកាត់បន្ថយ ការឆ្លងដែនខុសច្បាប់ទៅកាន់ប្រទេសថៃ ការិយាល័យផ្តល់លិខិតឆ្លងដែនដំបូង នឹងត្រូវរៀបចំធ្វើឡើង នៅខេត្តបាត់ដំបងមុនគេ។
ប្រជាពលរដ្ឋខ្មែរមួយរូប ឈ្មោះ ចាន់ ថា ដែលធ្លាប់តែឆ្លងដែនខុសច្បាប់ បានថ្លែងសាទរចំពោះដំណឹង បង្កើតការិយាល័យ ផ្តល់លិខិតឆ្លងដែននេះ ដើម្បីឲ្យពួកគេ មានលិខិតអនុញ្ញាតត្រឹមត្រូវ ឆ្លងដែនដោយស្របច្បាប់ ជៀសវាងការចាប់ឃុំឃាំងណាមួយ ពីសំណាក់អាជ្ញាធរថៃ។ ការិយាល័យ ផ្តល់លិខិតឆ្លងដែនដំបូង នឹងត្រូវបានធ្វើបង្កើត នៅខេត្តបាត់ដំបងមុនគេ មុននឹងបង្កើតតាមច្រកនានា ក្នុងខេត្តបន្ទាយមានជ័យ។
សូមជម្រាបថា កាលពីកន្លងទៅថ្មីនេះៗ លោក ស ខេង រដ្ឋមន្រ្តីក្រសួងមហាផ្ទៃ បានថ្លែងឲ្យដឹងនៅក្នុងឱកាស ប្រជុំការងារទេសន្តប្រវេសន៍ថា ក្រសួងមហាផ្ទៃ បានសម្រេចឲ្យមាន បើកការិយាល័យ ផ្តល់លិខិតឆ្លងដែន នៅតាមច្រកព្រំដែនដូចជា នៅខេត្តបាត់ដំបង បន្ទាយមានជ័យជាដើម។
គោលបំណង បើកឲ្យមានការិយាល័យ ផ្តល់លិខិតឆ្លងដែនតាមព្រំដែននេះ ដើម្បីកាត់បន្ថយការឆ្លងដែនខុសច្បាប់ របស់ប្រជាពលរដ្ឋខ្មែរ ទៅកាន់ ប្រទេសថៃ និងក៏ដូចផ្តល់លក្ខណៈងាយស្រួលផងដែរ ក្នុងការផ្តល់ព័ត៌មានដល់ពលករខ្មែរ។
យ៉ាងណាមិញ ពលករខ្មែរខុសច្បាប់នៅប្រទេសថៃ ត្រូវបានមន្រ្តីរាជរដ្ឋាភិបាលប្រកាសឲ្យដឹងថា ពលករខ្មែរចំនួន ២០០០នាក់ ក្នុងចំណោម៩០០០ នាក់ហើយ ត្រូវបានផ្តល់លិខិតឆ្លងដែន ហើយដើម្បីឲ្យពួកគេ ក្លាយខ្លួនជាពលករស្របច្បាប់។
ជាមួយគ្នានេះផងដែរ ពលករខ្មែរដែលធ្វើការនៅប្រទេសថៃ ជាច្រើននាក់ ត្រូវបានគេសង្កេតឃើញ មានការឆ្លងដែនមកស្រុកកំណើតវិញ នៅតាម ច្រកព្រំដែននានា ក៏ព្រោះតែពួកគេ មកចូលរួមក្នុងឱកាសបុណ្យចូលឆ្នំាខ្មែរ ដែលនឹងប្រព្រឹត្តទៅ រយៈពេលប៉ុន្មានថ្ងៃខាងមុខនេះ ដើម្បីមកជួបជុំបង ប្អូន ក្រុមគ្រួសារ។
សូមបញ្ជាក់ថា ក្នុងឆ្នាំ២០១២ក ន្លងទៅថ្មីៗនេះ ការទទួលពលករទេសន្តប្រវេសន៍ ពីអាជ្ញាធរបរទេសមានចំនួន ១២៣.៦០៦នាក់ ពោលគឺមានការ កើនឡើងចំនួន ៤.៨២៥ នាក់ បើប្រៀបធៀប កាលពីឆ្នាំ២០១១ ដែលមានត្រឹមតែ ១១៨.៧៩១ នាក់ ដែលការបញ្ជូននេះ គឺមកតាមខេត្ត ជាប់ ព្រំដែនចំនួន៦ មានខេត្តបន្ទាយមានជ័យ បាត់ដំបង ប៉ៃលិន កោះកុង ស្ទឹងត្រែង និងខេត្តស្វាយរៀង ដែលមកពីប្រទេសថៃ វៀតណាម និងឡាវ ។
រីឯការបញ្ជូនត្រឡប់ តាមរយៈក្រសួងការបរទេសវិញ ក្នុងឆ្នាំ២០១២ មានចំនួន២៣៨នាក់ ដែលមកពីប្រទេសកូរ៉េខាងត្បូង ប្រទេសម៉ាឡេស៊ី ឥណ្ឌូនេស៊ី ម៉ែក្រូនេស្យា នេហ្គាល់ ម៉ូរីទិស ចិន ហ្វីជី ជប៉ុន អាហ្រ្វិកខាងត្បូង និងប្រទេសថៃ៕
Source: DAP
បាត់ដំបង៖ បន្ទាប់ពីរដ្ឋមន្រ្តីក្រសួងមហាផ្ទៃ លោក ស ខេង ប្រកាសបើកឲ្យមានការរៀបចំ ការិយាល័យផ្តល់លិខិតឆ្លងដែន នៅតាមព្រំដែន ដើម្បី បង្កលក្ខណៈងាយស្រួល ក៏ដូចជាកាត់បន្ថយ ការឆ្លងដែនខុសច្បាប់ទៅកាន់ប្រទេសថៃ ការិយាល័យផ្តល់លិខិតឆ្លងដែនដំបូង នឹងត្រូវរៀបចំធ្វើឡើង នៅខេត្តបាត់ដំបងមុនគេ។
ប្រជាពលរដ្ឋខ្មែរមួយរូប ឈ្មោះ ចាន់ ថា ដែលធ្លាប់តែឆ្លងដែនខុសច្បាប់ បានថ្លែងសាទរចំពោះដំណឹង បង្កើតការិយាល័យ ផ្តល់លិខិតឆ្លងដែននេះ ដើម្បីឲ្យពួកគេ មានលិខិតអនុញ្ញាតត្រឹមត្រូវ ឆ្លងដែនដោយស្របច្បាប់ ជៀសវាងការចាប់ឃុំឃាំងណាមួយ ពីសំណាក់អាជ្ញាធរថៃ។ ការិយាល័យ ផ្តល់លិខិតឆ្លងដែនដំបូង នឹងត្រូវបានធ្វើបង្កើត នៅខេត្តបាត់ដំបងមុនគេ មុននឹងបង្កើតតាមច្រកនានា ក្នុងខេត្តបន្ទាយមានជ័យ។
សូមជម្រាបថា កាលពីកន្លងទៅថ្មីនេះៗ លោក ស ខេង រដ្ឋមន្រ្តីក្រសួងមហាផ្ទៃ បានថ្លែងឲ្យដឹងនៅក្នុងឱកាស ប្រជុំការងារទេសន្តប្រវេសន៍ថា ក្រសួងមហាផ្ទៃ បានសម្រេចឲ្យមាន បើកការិយាល័យ ផ្តល់លិខិតឆ្លងដែន នៅតាមច្រកព្រំដែនដូចជា នៅខេត្តបាត់ដំបង បន្ទាយមានជ័យជាដើម។
គោលបំណង បើកឲ្យមានការិយាល័យ ផ្តល់លិខិតឆ្លងដែនតាមព្រំដែននេះ ដើម្បីកាត់បន្ថយការឆ្លងដែនខុសច្បាប់ របស់ប្រជាពលរដ្ឋខ្មែរ ទៅកាន់ ប្រទេសថៃ និងក៏ដូចផ្តល់លក្ខណៈងាយស្រួលផងដែរ ក្នុងការផ្តល់ព័ត៌មានដល់ពលករខ្មែរ។
យ៉ាងណាមិញ ពលករខ្មែរខុសច្បាប់នៅប្រទេសថៃ ត្រូវបានមន្រ្តីរាជរដ្ឋាភិបាលប្រកាសឲ្យដឹងថា ពលករខ្មែរចំនួន ២០០០នាក់ ក្នុងចំណោម៩០០០ នាក់ហើយ ត្រូវបានផ្តល់លិខិតឆ្លងដែន ហើយដើម្បីឲ្យពួកគេ ក្លាយខ្លួនជាពលករស្របច្បាប់។
ជាមួយគ្នានេះផងដែរ ពលករខ្មែរដែលធ្វើការនៅប្រទេសថៃ ជាច្រើននាក់ ត្រូវបានគេសង្កេតឃើញ មានការឆ្លងដែនមកស្រុកកំណើតវិញ នៅតាម ច្រកព្រំដែននានា ក៏ព្រោះតែពួកគេ មកចូលរួមក្នុងឱកាសបុណ្យចូលឆ្នំាខ្មែរ ដែលនឹងប្រព្រឹត្តទៅ រយៈពេលប៉ុន្មានថ្ងៃខាងមុខនេះ ដើម្បីមកជួបជុំបង ប្អូន ក្រុមគ្រួសារ។
សូមបញ្ជាក់ថា ក្នុងឆ្នាំ២០១២ក ន្លងទៅថ្មីៗនេះ ការទទួលពលករទេសន្តប្រវេសន៍ ពីអាជ្ញាធរបរទេសមានចំនួន ១២៣.៦០៦នាក់ ពោលគឺមានការ កើនឡើងចំនួន ៤.៨២៥ នាក់ បើប្រៀបធៀប កាលពីឆ្នាំ២០១១ ដែលមានត្រឹមតែ ១១៨.៧៩១ នាក់ ដែលការបញ្ជូននេះ គឺមកតាមខេត្ត ជាប់ ព្រំដែនចំនួន៦ មានខេត្តបន្ទាយមានជ័យ បាត់ដំបង ប៉ៃលិន កោះកុង ស្ទឹងត្រែង និងខេត្តស្វាយរៀង ដែលមកពីប្រទេសថៃ វៀតណាម និងឡាវ ។
រីឯការបញ្ជូនត្រឡប់ តាមរយៈក្រសួងការបរទេសវិញ ក្នុងឆ្នាំ២០១២ មានចំនួន២៣៨នាក់ ដែលមកពីប្រទេសកូរ៉េខាងត្បូង ប្រទេសម៉ាឡេស៊ី ឥណ្ឌូនេស៊ី ម៉ែក្រូនេស្យា នេហ្គាល់ ម៉ូរីទិស ចិន ហ្វីជី ជប៉ុន អាហ្រ្វិកខាងត្បូង និងប្រទេសថៃ៕
Source: DAP
Subscribe to:
Comments (Atom)