គ្រោះថ្នាក់ចរាចរណ៍ម៉ូតូបុកជាមួយម៉ូតូ របួសធ្ងន់ម្នាក់
ភ្នំពេញ៖មានករណីគ្រោះថ្នាក់ចរាចរណ៍មួយដែលកើតឡើងរវាងម៉ូតូម៉ាក ឌ្រីមសង់ស៊េរី២០១២ ពណ៌ខ្មៅពាក់ស្លាកលេខ ភ្នំពេញ 1BD 5899 បើកបរដោយបុរសឈ្មោះ ឆាយ សិទ្ធី អាយុ៣០ឆ្នាំ ជាគ្រូបង្រៀននិងអ្នកជិះជាមួយម្នាក់ឈ្មោះ ថា ភេទប្រុស អាយុជាង២០ឆ្នាំ បានប៉ះជាមួយម៉ូតូម៉ាក កុបជ្រុង ពណ៌ទឹកប៊ិច ពាក់ស្លាកលេខ ភ្នំពេញ 1 BR 1525 បើកបរដោយស្រ្តីឈ្មោះ ឡាំ សុខឡេង អាយុ២១ឆ្នាំ និងម្តាយមីង ជិះជាមួយឈ្មោះ គីម ហួន អាយុ៥៧ឆ្នាំ បានរងរបួសធ្ងន់(ចំក្បាល)។
ហេតុការណ៍គ្រោះថ្នាក់នេះកើតឡើងនៅវេលាម៉ោង ២៣និង០៥នាទីយប់ថ្ងៃទី៣ខែមេសាឆ្នាំ២០១៣ តាមមហាវិថីព្រះមុនីវង្ស ស្ថិតនៅចំណុចភ្លើងស្តុប សណ្ឋាគារ អេស៊ាភេលេស ត្រង់ច្រមុះជ្រូកសួនច្បារផ្សារធំថ្មី សង្កាត់ផ្សារធំថ្មី ខណ្ឌដូនពេញ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានអោយដឹងថា៖ មុនពេលកើតហេតុគេបានឃើញម៉ូតូម៉ាក កុបជ្រុង ជិះគ្នា២នាក់បើកបរក្នុងទិសដៅពីត្បូងទៅជើងពេលមកដល់ចំណុចកើតហេតុកំពុងតែឆ្លងត្រង់ភ្លើងស្តុប សណ្ឋាគារ អេស៊ាភេលេស នោះ ស្រាប់តែមានម៉ូតូម៉ាក ឌ្រីមសង់ស៊េរី២០១២ ពណ៌ខ្មៅ ជិះគ្នា២នាក់ដែរ ក្នុងទិសដៅពីលិចទៅកើតសំដៅទៅផ្សារធំថ្មី ក៏បណ្តាលអោយប៉ះគ្នាពេញទំហឹងតែម្តង។
ក្រោយពីការដោះស្រាយសម្រុះសម្រួលនៅកន្លែងកើតហេតុរវាងភាគីម៉ូតូទាំង២មិនត្រូវគ្នា នោះ បច្ចុប្បន្នម៉ូតូ២គ្រឿងខាងលើត្រូវបានសមត្ថកិច្ចនគរបាលខណ្ឌដូនពេញយកទៅរក្សាទុកដើម្បីរង់ចាំការដោះស្រាយតាមនីតិវិធីនៃច្បាប់៕
By:GCNP
No comments:
Post a Comment