បាក់អគារនៅឥណ្ឌា អ្នកស្លាប់កើន ឡើងដល់២៤នាក់

ញូដេលី៖ យ៉ាងហោចណាស់ មានប្រជាជន ២៤នាក់ស្លាប់ និងច្រើនជាង ៦០នាក់រងរបួស ខណៈអគារ មួយបាន បាក់រលំ កាលពីល្ងាចថ្ងៃព្រហស្បតិ៍ ទី០៤ ខែមេសា នៅភាគខាងលិចប្រទេស ឥណ្ឌា។

យោងតាមទីភ្នាក់ងារព័ត៌មានចិន ស៊ិនហួ បានឲ្យដឹងនៅថ្ងៃសុក្រ ទី០៥ ខែមេសា ឆ្នាំ២០១៣ថា ក្រុមអ្នកជួយ សង្គ្រោះ បាននិយាយក្នុងលក្ខខណ្ឌ សូមមិនបញ្ចេញឈ្មោះថា «ឧប្បតិហេតុនេះ បានកើតឡើងវេលាម៉ោង ៦ និង៣០នាទីល្ងាច ថ្ងៃទី០៤ ក្នុងទីក្រុង ថាន រដ្ឋ ម៉ាហារ៉ាសត្រា ដោយគេបានរកឃើញ សាកសពចំនួន ២៤នាក់ ហើយច្រើននាក់ទៀត កំពុងស្ថិតក្រោមគំនរបាក់បែក នៅឡើយ។

ទូរទស្សន៍រដ្ឋ បានបង្ហាញរូបភាពនៃគ្រោះមហន្តរាយបាក់អគារនេះ ដោយមានក្រុម មន្រ្តីប៉ូលិស មន្រ្តីគ្រប់គ្រង គ្រោះ មហន្តរាយ និងភ្នាក់ងារពន្លត់អគ្គីភ័យ កំពុងជួយសង្គ្រោះ ជនរងគ្រោះ ក្នុងប្រតិបត្តិ ទំាងយប់ និងបាន និយាយថា អគារដែលបាក់នោះ ជាអគារខុសច្បាប់ ៕

Source: DAP