Wednesday, 3 April 2013
ម៉ូតូប៉ះគ្នារបួសស្ត្រីវ័យ១៨ឆ្នាំម្នាក់ បាក់ជើងនៅស្រុកក្រគរ
ខេត្តពោធិសាត់៖ ស្ត្រីម្នាក់រងរបួសធ្ងន់បាក់ជើងខាងឆ្វេងដោយឧបទ្ទវហេតុគ្រោះថ្នាក់ចរាចរណ៍មួយកើតឡើងនៅចំណុចផ្លូវរទេះគោជាប់ព្រៃរនាមស្ថិតក្នុងភូមិអូរតាប្រុក ឃុំអូសណ្តាន់ ស្រុកក្រគរ ខេត្តពោធិសាត់ ហេតុការនេះកើតឡើងកាលពីវេលាម៉ោង៧និង៣០នាទីព្រឹកថ្ងៃទី២ ខែមេសា ឆ្នាំ២០១៣ ។ ប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញអ្នកជិះម៉ូតូធុនហុងដាកូរ៉េគ្មានស្លាកលេខបើកបរដោយឈ្មោះ ឯម លី ភេទប្រុស អាយុ៣០ឆ្នាំមានទីលំនៅភូមិ ឃុំខាងលើទិសដៅពីជើងទៅត្បូងមកដល់ចំណុចកើតហេតុបានបុកជាមួយអ្នកបើកម៉ូតូធុនហុងដាកូរ៉េគ្មានស្លាកលេខទិសដៅច្រាសគ្នាធ្វើឲ្យស្ត្រីរងគ្រោះម្នាក់ដែលជាអ្នករួមដំណើររបួសបាក់ជើងខាងឆ្វេង ។ ប្រភពបន្តថាអ្នកបើកបរឈ្មោះ គក់ សុភ័ន ភេទស្រី អាយុ១៨ឆ្នាំរស់នៅភូមិ ឃុំកើតហេតុស្ត្រីរងគ្រោះត្រូវបានក្រុមគ្រួសារបញ្ជូនមកព្យាបាលនៅមន្ទីរពេទ្យខេត្ត រីឯអ្នកបើកបររត់គេចខ្លួនបាត់ ។ ប្រភពពីសមត្ថកិច្ចនគរបាលរដ្ឋបាលអូរសណ្តាន់បានឲ្យដឹងថា ក្រោយពេលកើតហេតុនគរបាលយកវត្ថុតាងមករក្សាទុកនៅអធិការដ្ឋាននគរបាលស្រុកដើម្បីចាត់ការតាមនីតិវិធីច្បាប់ ៕
Subscribe to:
Post Comments (Atom)
No comments:
Post a Comment