បុរសជនជាតិភាគតិចចិន អ៊ុយហ្គរ៍ (Uighur) ពីរនាក់ ដែលធ្លាប់ត្រូវបានរដ្ឋាភិបាលកម្ពុជា បានចាប់បញ្ជូនដោយបង្ខំទៅប្រទេសចិន កាលពីចុងឆ្នាំ២០០៩ ត្រូវបានតុលាការចិន កាត់ទោសអោយដាក់គុកអស់មួយជីវិត។
បុរសអ៊ុយហ្គរ៍ ទាំងពីរនាក់នេះ មានអាយុ ៣៥ និង ៣២ឆ្នាំ។ ពួកគាត់ឋិតក្នុងចំណោមជនភៀសខ្លួនចំនួន ១៨នាក់ ដែលរដ្ឋាភិបាលកម្ពុជា បានចាប់បញ្ជូនចេញពីកម្ពុជា ដោយបង្ខំ ទៅប្រទេសចិន កាលពីខែធ្នូ ឆ្នាំ២០០៩។ តុលាការចិន ក៏បានកាត់ទោសជាតិភាគតិចចិន អ៊ុយហ្គរ៍ ម្នាក់ផ្សេងទៀត ក្នុងចំណោមជនភៀសខ្លួនទាំង ១៨នាក់ ឲ្យជាប់ពន្ធនាគាររយៈពេល ១៧ឆ្នាំ។
នេះជាលើកទីមួយហើយ ដែលព័ត៌មាននៃការកាត់ទោសជនជាតិភាគតិចចិន អ៊ុយហ្គរ៍ ត្រូវបានផ្សព្វផ្សាយជាផ្លូវការ។ ជនភៀសខ្លួនទាំងនោះបានរត់គេចទៅលាក់ខ្លួននៅកម្ពុជា ដើម្បីសុំសិទ្ធិរស់នៅប្រទេសទីបី បន្ទាប់ពីមានកុប្បកម្មហិង្សា ជុំវិញជនជាតិភាគតិចនៅខេត្តស៊ិនជាំង (Xinjiang) កាលពីខែកក្កដា ឆ្នាំ២០០៩។
មន្ត្រីសិទ្ធិមនុស្សបានឲ្យដឹងថា ជនជាតិភាគតិចចិន អ៊ុយហ្គរ៍ បានភៀសខ្លួនពីការធ្វើទុក្ខបុកម្នេញដោយអាជ្ញាធរចិន ដោយសារពួកគេបានឃើញការបង្ក្រាបហិង្សាលើបាតុករជាតិភាគតិចចិន អ៊ុយហ្គឺរ ក្នុងពេលកុប្បកម្ម៕ ដោយ៖ RFA
Subscribe to:
Post Comments (Atom)
No comments:
Post a Comment